李旻芳香艷歎按摩 顯大C風範
擁有34C驕人上圍的無綫小花李旻芳，最近遠赴韓國拍攝旅遊節目，她於節目中換上多套火辣三點式，更獻出第一次，半裸上身享受按摩，場面香艷。
擔任節目《東張西望》外景主持的李旻芳（Lucy），經常性感上陣，大晒34C上圍而人氣急升。最近她到韓國拍攝旅遊節目《3日2夜》，由於需穿泳衣拍攝，貪靚的她整個行程都堅持戒口，令她相當痛苦。Lucy說：「我本身好期待去韓國，學韓劇啲主角咁食炸雞同飲啤酒，不過要着三點式拍浸spa嘅場面，為咗拍出嚟畫面靚啲，所以全程都要戒口，拍攝時仲全日空肚，真係好痛苦。」
唔使清場
Lucy透露為節目「豁出去」，在鏡頭前大膽地半裸上身：「拍攝按摩背部嘅畫面時半裸上身，打晒底以免走光。（拍攝有冇清場？）咁又冇，因為咩都睇唔到，所以有工作人員在場亦唔會尷尬。」Lucy又自爆唔識擺甫士：「影spa要畀人一種好舒服、好relax嘅感覺，所以就考起我。最記得導演同我講，叫我全部動作都慢啲，畀啲感情，到最後我全程用慢動作嚟完成，諗起都搞笑。」
似度蜜月
Lucy自爆與娛樂主播潘梓鋒（Bryan）拍攝節目擦出「愛火花」：「好開心今次同Bryan一齊去旅行，佢全程都好照顧我，加上又有共同話題，所以我哋好合拍，就連節目導演都話我哋好似新婚夫婦度蜜月。（唔怕同對方傳緋聞？）唔怕，只係拍攝時睇嚟sweet啫，其實我哋本身係好兄弟嚟，仲會齊齊講黃色笑話，就知我哋冇咩可能啦！」
文：專案組