許冠傑自揭咀人標準 「邊個熱情就邊個」

歌神許冠傑（Sam）一連三場「許冠傑演唱會2016」前晚於紅館圓滿結束，邀得古巨基任表演嘉賓，Sam繼續送吻，全晚咀足19次。由於Sam勁愛豹紋，基仔亦特別穿上豹紋西裝褸與他合唱《沉默是金》及《快樂》，基仔說：「我咁着明顯係超級歌迷，爸爸、媽媽、外父同外母都嚟咗睇。」由於Sam個唱海報以參選為主題，基仔笑讚他是大家心中的領袖：「我心諗如果Sam真係選特首，我嗰票一定投畀佢。」
Sam開騷獻唱多首靚歌，與嘉賓古巨基亦Jam番Part。
Sam開騷獻唱多首靚歌，與嘉賓古巨基亦Jam番Part。

聲沙沙的Sam騷後否認感冒：「唱咗幾晚把聲沙少少。（有冇數過錫咗歌迷幾次？）唔記得。（揀人咀咩標準？） 邊個熱情就邊個。」而嘉賓之一的陳凱彤透露買了擺設送給Sam：「喺上面DIY咗啲豹紋。」

古巨基（左）
  • 古巨基（左）
Sam與兩子懷欣（左）及懷谷（右）同台，騷上更播出三父子昔日照片。
  • Sam與兩子懷欣（左）及懷谷（右）同台，騷上更播出三父子昔日照片。
獲孖孫上台獻花，着上「貓王」外套的Sam當堂冧晒。
  • 獲孖孫上台獻花，着上「貓王」外套的Sam當堂冧晒。