35E迪子漏奶獻唱 咪咪唔受控

迪子為配合餐廳萬聖節主題，打扮成性感女醫生造型登場，好友莊端兒（Xenia）及鄧詠雪專程捧場，之後她脫去白袍演唱《人間鬼獄》，由於太投入兼動作多多而導致「走奶」，露出35E「胸器」外圍，餐廳老闆急忙搵人提水，嚇得她即衝入廁所整理衣服才繼續獻唱，但真空上陣的她因身材太勁，「胸器」不自覺又走出來透氣，她索性繼續露半球任睇任集郵，最後她送上一曲《情人happy birthday》給Xenia補祝生日。

未知是否見男客抬頭，性感獻唱的迪子即以手遮在身前。

谷胸的莊端兒（右）與戴上口罩的迪子慶祝萬聖節。

叫停音樂衝廁所整理

事後問迪子「走奶」豈非蝕大底？她笑說：「唔覺，啲朋友以為我件衫設計係咁，所以見我走光都冇提我，係餐廳老闆搵人上台提水，我先知仲即刻嗌停，走入廁所整理，不過整完佢都唔受控，咪由得佢囉，況且都係少少走光！」

跟同樣擁有35E豪乳的Xenia被指愈來愈似樣，迪子即自爆二人發展到半同居關係：「我經常去佢屋企過夜，可能日對夜對就似樣。」她又透露之前胃部生息肉，做切除手術後化驗，幸發現是良性，但日前輪到盲腸痛，由於要唱騷，她打算死頂完成工作後再去醫院照腸。而Xenia喜獲炮製生日驚喜，感動得熱淚盈眶，並表示願望是身體健康：「其他嘢真係唔想講，好多謝屋企人同朋友支持。」

文：音樂組