舊愛熊黛林新婚 城城衷心恭喜!

天王郭富城(城城)昨晚與導演吳中天到九龍站出席新片《天亮之前》首映,該片由蕭定一購下香港版權。對於舊愛熊黛林日前在微博宣布與拍拖一年多的男友郭可頌在港拉埋天窗,城城雖然沒開名,但仍表示祝福,他說:「無論呢個圈邊個辦喜事,我都會衷心恭喜,就係咁簡單!(會祝福佢?)祝福、祝福!」

對於被傳與女友方媛已買定婚戒,城城說:「私人事唔講,平時工作都分享咗好多,多謝大家關心,私人生活、感情世界希望低調。(結婚會公布?)呢個係為時尚早嘅事,我希望努力工作先,呢段時間好多導演、劇本邀請我合作,工作排到明年年底,我想專注工作先!」他拒絕透露10月26日生日行蹤,但甜笑說:「唔講去咗邊。(同女友過?)唔講,總之冇蠱惑。生日願望希望健健康康,無論自己定身邊朋友,仲有工作順利!《天亮之前》我好鍾意,角色嘅複雜程度近年少見,去泰國拍攝仲坐埋火車,又留鬚,好難忘!」