增磅選華姐馮盈盈唔脂足

應屆港姐冠軍馮盈盈、季軍陳雅思與友誼小姐張寶兒昨日到荃灣出席《愛心曲奇暖萬家》活動，跟一班幼稚園生度過一個愉快下午，盈盈更母愛大發，撩身旁的小女孩傾偈及擊掌，她說：「見到咁多精靈活潑小朋友，急不及待想同佢哋交流。（急不及待生番個？）哈哈！太遙遠，順其自然啦！」講到明年初將參選《2017國際中華小姐競選》，問到增肥進度如何？她說：「未滿意，好在仲有時間！想BMI（身高體重指數）去番標準，希望去到110磅！（男友同你食飯有冇餵飽啲你？）自己嚟，唔使人幫！」