百萬愛駒未戰先傷蘇志威打定輸數
蘇志威早前以七位數字購入賽駒「駿王」，首次做馬主的他更不時與老婆探班，但據知從未在港出賽的「駿王」近月發現一對前腳嚴重受傷，有傳康復機會不大，甚至有退役的可能！損失慘重的他雖然出師不利，但揚言無論愛駒康復與否，必會善待日後生活。
草蜢成員蘇志威（蘇老闆）今年初榮升馬主，以七位數字購了一匹三班馬「駿王」，他曾透露愛駒由一位美國從事育馬界的Uncle代為挑選及買馬，據知該Uncle正是「精英大師」馬主兼好友施雅治。今年三歲的「駿王」曾出戰美國一場表列賽奪亞，年中運抵本港後由7月開始接受操練，大讚「駿王」又乖又嗲的蘇老闆每星期都會與老婆劉小慧探望愛駒。不過，施雅治日前見傳媒時提到「駿王」一對前腳嚴重受傷，需要即時停操，有指傷勢嚴重難以康復，好大機會被迫退役！
打算運往澳洲享天年
「駿王」在港從未出賽，毅然退役相當可惜，同時令蘇老闆損失慘重！對於「駿王」大有可能退役，蘇老闆透過電話說：「我隻馬Check到有啲受傷，依家休息緊冇操練，睇吓馬會Check清楚如何，希望佢冇事啦！我養馬都係自己喜愛，對佢冇好大期望又唔會失望。」他直言會無論結果如何都會善待愛駒：「隻馬跑唔跑到我都會善待佢，如果真係唔適合香港跑，會送佢去澳洲一個開心嘅地方。」
幫馬主特製刺繡西裝
蘇老闆前日與太太及施雅治出席時尚煲呔賽馬日，蘇老闆透露當日所穿的西裝由高級訂造服設計師郭培刺繡：「郭培老師唔同其他人合作，甚至世界一級品牌都冇合作！因為我同佢有緣識咗好多年，佢又好欣賞我哋男裝，所以就同我合作。」還自言與施雅治的西裝屬馬主系列：「我公司特別為馬會會員訂製，根據佢哋嘅綵衣設計一個圖案，當馬主滿意就運去北京畀郭培老師刺繡。施生話畀人知套西裝十幾萬，講真吖，我哋用嘅布一定要好靚，亦都貴在刺繡！」
另外，曾志偉前晚錄影節目時提到愛駒「卡加動力」近日戰死沙場，他說：「最緊要人（騎師）冇事！係團體養嘅，自己損失七位數字，意外就係咁！」
文：音樂組