曾志偉唔信Shirley尋死
曾志偉與關淑怡交情甚深，昨晚錄影時被問及Shirley墮海一事，他無奈地說：「都唔知佢點解會咁，我有嘗試搵佢，但搵唔到。」他坦言最近很少聯絡Shirley，上一次見面已是對方開騷，問到是否知道她不開心？志偉說：「冇乜迹象。（有傳佢自殺？）唔係啦，係嘅都潛咗落去，可能係同朋友講講吓發忟憎。（佢有感情問題？）唔知，都唔應該，搵到佢會勸吓佢。（會畀咩意見？）會同佢講有個仔，要好好照顧小朋友，唔好一時意氣，好多人關心佢。」
至於溫拿樂隊和太極樂隊昨日開工拍攝海報，對於Shirley疑情緒失控墮海，譚詠麟（阿倫）說：「頭先健仔（彭健新）問我Shirley係咪去游夜水，我話可能係練定出年參加渡海泳！」有指對方失戀，他們說：「冇聽過，都唔知佢有男朋友。」健仔又送上鼓勵，讚Shirley唱歌動聽，很多人都愛聽她唱歌。太極則表示：「可能係意外呢，不過啱啱打完風怕水底有暗湧，游水會有危險。」有指Shirley疑似自殺，他們說：「唔覺得佢會揀呢樣，佢冇咁大膽o架！（佢情緒失控？）所以咪落水浸吓，清醒吓啫！」
