近期在英國開騷頻頻鬧粉絲的加拿大麻煩天王Justin Bieber，前晚在曼徹斯特開騷又發脾氣！據知，Justin開騷期間不停發表偉論，有粉絲嫌他太長氣而喪噓，Justin即時嬲爆兼掟咪落地，更一聲唔該就鬆人，全場觀眾即時鼓譟！
兩分鐘後，Justin再上台爆粗指自己只想透過吹水來與大家交流：「既然曼徹斯特嘅人頂唔順人講嘢，咁我剩餘嘅時間都唔會再講。」怎料差不多完騷前，他又再「嚟料」：「我剛剛之所以咁唔開心係因為我咁遠飛嚟呢度，我為場騷同令大家開心而獻上我嘅人生，我覺得大家唔尊重我，令我有點受傷！」事後有網民狂插Justin，直指他唔識尊重粉絲，被名氣沖昏頭腦。