黎燕珊寶貝仔「為所欲為」18歲

藝人黎燕珊(Eva)日前於尖東為兒子劉德權(Dicky)提早舉辦驚喜派對,慶祝囝囝今日18歲生日。Eva請來兒子契媽林建明(沙姐),更秘密相約家人及兒子的同學,總共60人齊齊慶祝。

沙姐笑指契仔已成年,可以「為所欲為」:「意思係你可以盡好市民責任去投票,自己做決定,亦都可以去學揸車。以後不但媽媽可以接你放學,你都可以接媽媽收工,更加可以自己揸主意考大學。」Eva感謝上天賜自己一對乖仔女:「好感恩睇住囝囝成長嘅朋友都嚟,更感謝上天畀我呢對仔女,佢哋令我有正能量努力做好媽媽嘅角色。今次籌備了大約半年,特別多謝沙姐支持,但估唔到Dicky完全唔知,仲以為佢收到風。」