郭穎兒李冠峰 咀到成面口水

現年29歲的Celia昨早穿上裙褂、雙手戴滿逾20隻金鐲及心口掛了大大隻金豬等老公接新娘。她透露玩新郎其中一個環節老公要在紙箱中抽「獎」，當中有田雞和蟲等小動物，坦言為老公感到心痛。

對老婆認真

完成接新娘後，一對新人抵達宴會場地，在傳媒面前切蛋糕及恩愛咀嘴，更咀到成面口水，不約而同一齊用手抹嘴，非常搞笑。Celia受訪時笑言出嫁後由老公話事：「大家都好鍾意小朋友，會生幾個，第一胎仔女都冇所謂。（畀老公幾多分？）98分，暫時佢都好錫我，但要有進步空間，滿分就會驕傲。」李冠峰則給老婆100分：「佢又靚、廚藝又了得、心地善良。（最拿手係乜？）好多，甜品、鹹食又得、中西菜式都得。」問李冠峰舊愛文詠珊可有送祝福？他說：「冇聯絡好耐，咸豐年嘅事。」

陳靜（左二）有份做郭穎兒的姊妹。	放大圖片	郭穎兒全身戴滿金器，做個「閃令令」新娘。

婚宴上，二人致詞時不斷喊，Celia自言任性，很遲才通知父母已結婚。李冠峰則笑言與外父是網友，更自稱「個底好花」，但對Celia非常認真，更大讚老婆好，因Celia是唯一肯陪他食麥當勞的女人。

陳靜想閃婚

首次做姊妹的陳靜笑言將來出嫁不會舉辦婚禮，喜歡旅行結婚。問到會否閃婚？她表示：「唔排除，遇到鍾意又適合就去。（依家有冇拍拖？）有都唔會同大家講。（怕見光死？）係，想穩定啲先講。」至於Jeana被問到有否結婚衝動？她笑言：「睇接唔接到花球，我會努力爭取，一見到就飛奔過去。（想結婚？）喺事業上努力多幾年先。」

文：名人組