阿燦唔急抱孫：我幫唔到手！

阿燦與馬來西亞籍太太楊慧玲結婚後，育有一女一子。今年29歲兒子廖俊賢於瑞士修讀酒店管理，畢業後返馬國幫媽媽發展燕窩事業，期間認識現年26歲從事建築業的柯盈盈，兩情相悅而結婚。前晚一對新人於吉隆坡筵開55席，會場以紅色玫瑰主題，相當華麗。榮升老爺的阿燦笑說：「兒子長大喇！」並大讚媳婦：「佢係聰明女呀！」

父親責任完成大半

自從離開無綫後，阿燦移居馬國，開過叉燒店，近年轉戰廣東羅定市，主力發展有機米生意，最近更返港出書和拍電影，滿肚計劃。今次幼子娶老婆，阿燦自然飲得杯落，因長女已嫁人，現在幼子亦成家立室，他覺得父親責任已完成大半，非常滿足。問到可想盡快抱孫？他笑說：「我冇乜所謂，囝囝鍾意點就點，呢啲嘢我又幫唔到手嘅！（囝囝有冇造人計劃？）等佢一步一步嚟啦。」

廖俊賢太太獲老爺讚是聰明女。

廖俊賢向老婆發表愛的宣言。

寧生鑽石唔要腎石

阿燦不干涉兒子生BB大計，主要想專注自己和太太的健康。他坦言太太近期身體不好：「佢生腎石，做咗一個好細嘅小手術，所以行動有少少唔方便。我都有生腎石，忙完之後都要去做手術，唔係乜嘢大件事。」樂觀的阿燦更開玩笑說：「無緣無故生腎石，如果生鑽石就好咯。」

文：影視組