糖妹 Jeana扮嘩鬼攞彩 熱捧4號
全城期待的萬聖節金多寶今晚開彩，頭獎基金有機會高達8,000萬元，是歷年來萬聖節金多寶最高，娛樂圈中人亦為之瘋狂，當中糖妹想扮成金元寶，Jeana想扮嘩鬼去投注，務求搞鬼應節攞彩中獎，而無綫兩位小花張秀文與黃心穎如中頭獎就買樓，她們不約而同挑選4號，相當應節！
糖妺
我梗係會落重槌買啦，為咗一擊即中，我諗住打扮成金元寶咁走入去投注站買飛，真係變成一個金元寶啦！（有咩心水號碼？）4、8、10、11、16同29號。（中咗獎點用？）出專輯碟及帶父母環遊世界。
Jeana（何佩瑜）
心水號碼係4、12、17、21！我會着萬聖節套party衫去投注，（贏咗8,000萬點用？）梗係要捐一半出嚟做善事啦，另一半就會用嚟投資開拍一套《Halloween列車》，因為最近韓國套《屍殺列車》好Hit！
張秀文
我會買3、4、6號，因為我地《學是學非》由三個人變四個人，再變六個人，所以呢三個數字都幾吉利！有成8,000萬金多寶咁多，中咗頭獎旁邊真係要有個朋友扶住我，驚開心到喺條街暈咗都冇人知，我梗係最想買樓。
黃心穎
我嘅心水號碼係1、4、10、13、22、28！今日我雖然要開工，希望開彩時可以夾到時間親自對吓，會叫埋同事一齊幫我打氣，中咗獎一定先去買樓。
文：影視組