陳凱琳姦得起：我賺咗！
無綫劇集《巨輪II》上周五大結局最高收視達35.2點，成為2014年以來大結局最高收視劇集，原本沒打算拍第三輯的監製王心慰笑言：「依家可以諗諗！」陳凱琳在劇中的強姦戲掀起熱話，演技遭狠批的她坦言「賺咗」，希望觀眾給她機會。而主角蕭正楠與田蕊妮對劇集有完美結局，心滿意足。
蕭正楠（阿蕭）、田蕊妮（阿田）、陳凱琳（Grace）、吳岱融主演的無綫劇集《巨輪II》上周五大結局，成績報捷，平均收視33.3點，最高有35.2點，達228萬觀眾人次收看，此收視亦是2014年以來劇集大結局收視最高，力壓剛於《星和電視頒獎禮》奪得「我最愛TVB電視劇集」的《城寨英雄》（平均32.9點），歐陽震華孭飛的《一屋老友記》（平均30.3點）則位列第三。
開第三輯有得諗
《巨輪II》最初播映時收視平平，平均22、23點，隨着播出Grace在劇中遭養父吳岱融強姦、飾演「高天鷲」的吳岱融奸味盡露，網民及觀眾愈看愈投入，成為網上熱話，收視亦愈來愈高。適逢上周五（21日）播大結局當晚颱風「海馬」襲港，觀眾安坐家中收看，帶挈收視飆升。台前幕後昨日獲悉收視佳績，都相當興奮，此劇的靈魂人物監製王心慰最開心，她昨日受訪時說：「因為好多人鍾意個結局，成班演員都做得好好、好感人。（會否開拍《巨輪III》？）原先真係冇諗，依家都可以諗吓！今日都有人話我已經鋪定線，吳岱融坐監啫！又未死，Grace同蕭正楠又可以繼續有得寫，如果觀眾接受，都可以有啲變化，不過都要睇天時、地利、人和。」
角色大有發揮、演技卻捱批的Grace得悉收視報捷後直呼感恩，她說：「好開心、好感恩！（之前演技被批唔開心，依家開心番？）希望大家畀機會我，睇到我嘅付出同努力，希望大家畀每個人有進步空間。（結局收視好感到安慰？）收視好唔係我一個人嘅功勞，個古仔由頭到尾都好完美！拍劇令我有好大得着，我賺咗！」之前有指男友鄭嘉穎不滿她拍該些場面，Grace會否再有勇氣接拍強姦戲？她說：「我覺得嘉穎好明白、了解一個演員可以嘗試角色，係一件好開心嘅事，佢好支持我，我有咩唔明，佢可以教我。」
蕭正楠謝「海兔」(火羅)爆
至於阿蕭及阿田心情都非常興奮，阿蕭直言孭一部卅九集的電視劇好大壓力：「有個靚結局自己已經好滿意！今晚《幕後玩家》大家又會見到我，不過套劇前段較輕鬆，同《巨輪II》有啲唔同，希望大家鍾意同捧場。」說到向着「男主角」獎項衝刺，他指一向不太諗獎項：「我仲係學習中，但對《巨輪》好有感情，兩輯共七十幾集，梗係想好頭好尾。」此外，昨晚阿蕭出席《幕後玩家》首播飯局，提到《巨輪II》收視報捷，竟擺烏龍說要多謝颱風「海兔」，後來知道是「海馬」時，即大呼「好(火羅)」！至於其女友黃翠如前晚生日，他表示女友做文青，送了部相機給她：「等佢去泰國可以影風景。」而當晚剛巧他遲開廠，聯同《星和》出爐男配角曹永廉一起食飯，還說：「阿廉係大婆，我哋經常三人行，翠如冇得say no！」
阿田知道大結局有好成績直言開心及滿意：「其實拍續集，隔幾年後再演同一個角色，喺創作、演繹上都好大挑戰，無論之前嘅收視點，今次演繹『倀雞英』，我非常滿意，有幸地再次碰到呢個角色，同佢一齊經歷完美嘅結局，已經足夠。 」還說食幾多餐飯慶功都冇問題。
文：影視組