「飛躍」李佳芯大解放 露背失守
多位無綫女星昨晚盛裝行紅地氈，平日密實的李佳芯（Ali）穿大露背裝，前面中門大開，但未有擠出事業線，轉身時側胸不慎露出胸墊，以另類搶鏡！她笑說：「算係人生第一次咁着，有啲唔慣，我重點唔喺前面，喺後面。」她稱打扮性感沒有跟男友交代，講到走光露墊，她驚訝地說：「呢啲就係專業同唔專業嘅分別。」她與楊明分別奪得TVB飛躍進步藝人獎，Ali在台上說：「多謝TVB畀機會我由普通人變做演員，亦多謝主辦機構頒畀我第一個演員獎。」
另外，朱千雪、陳煒、林夏薇及李施嬅等均穿低胸裝示人，陳煒谷出「警鐘胸」搶「峰」頭！身形豐滿不少的千雪自認有水腫問題，笑言最近因溫書而少做運動。至於同樣憑《城寨英雄》奪我最愛TVB螢幕情侶獎的王君馨及袁偉豪出場時獲全場Fans尖叫，某些角度更見君馨「胸湧」，司儀叫兩人擺出情侶甫士，袁偉豪硬晒軚，君馨輕輕搭在他胸前解圍。而最近合作劇集《降魔的》的馬國明及黃智雯被問到有否遇怪事，馬國明即口花花說：「最怪就係智雯每日都咁靚囉！」智雯笑說：「佢真係每日都讚我！」
