石希露冇得留低怒插賽果內定

ViuTV選美節目《美選D.n.A.》比賽踏入白熱化階段，前晚播出的一集更淘汰六位佳麗，包括日前公然爆粗批評大會安排的石希露、趙詠瑤、崔菲嫣、姜珮琪、林慧妍及呂善婷。石希露雖擁有F Cup上圍，又以低胸裙與郭偉亮「貼身」自拍搶分，但她與僅穿背心短褲的鄧月平對戰時，仍敗給對方向郭偉亮展開的情歌攻勢。石希露得知被out後，眼濕濕向鏡頭表示自覺賽果有內定成分，矛頭更直指大熱的「沙律」張沛樂！

自覺被挑撥離間

石希露說：「大家覺得有內定，我唔係話沙律人唔好，但佢表現平淡無奇、偏向中下。趙詠瑤比起沙律，如果喺公平競賽下會贏多啲。我依家先知有啲人係畀錢請返嚟！（係真？）我唔可以肯定，model公司請嘅又唔係我。」不過，石希露事後接受本報訪問，卻轉口風稱受ViuTV方面挑撥離間，令她自覺被利用：「製作人員係咁問我覺得沙律係咪應該foul？我作出回應，佢哋就淨係剪咗嗰段放上節目。我見到佢哋熄機先講，私下講嘅嘢原來被錄晒同擺上節目，好似呃咗我同利用我。」

被淘汰的石希露眼濕濕表示覺得賽果內定。	石希露擺甫與郭偉亮「自拍」搶分。	石希露與鄧月平（右）對決，最後被foul。

沙律：聽到嚇親

至於被指「內定」的沙律則表示毋須澄清：「我聽到係嚇親，澄清都冇用，大家點諗控制唔到。比賽嘅唔係公司，企喺台上嘅係我自己。」節目預告中，沙律會爆喊指自己並非花瓶。

至於其他佳麗如崔菲嫣及余逸思就分成一組對決，余逸思雖被評判火火揶揄粗魯似男人，但最後仍憑媚惑表現贏得入圍資格。其後林慧妍及呂善婷分別以睡衣Look及學生妹Look對戰，惟二人雙雙被淘汰。

文：影視組