班尼狄激讚王家衛偉大
英國男神班尼狄甘巴貝治（Benedict Cumberbatch）、泰迪史雲頓（Tilda Swinton）及導演Scott Derrickson日前來港宣傳漫威超英片《奇異博士》（Doctor Strange）並接受本報專訪，他們異口同聲表示想與張曼玉及名導王家衛合作。
班尼狄激讚王家衛是「偉大的導演」，他說：「我好鍾意佢嘅作品，《花樣年華》係我一直喜愛嘅電影。」又笑言拍香港動作電影亦不錯：「不過真係好難，你要好似優秀武打專家咁，我唔覺自己可以隨時隨地做到！」Scott亦對香港電影讚不絕口：「吳宇森嘅動作電影對我影響好深，我仲係電影學生嗰陣，最好嘅動作電影都係來自香港，例如《英雄本色》、《喋血雙雄》同《辣手神探》，直情影響住美國人點睇動作片！」並坦言渴望與吳宇森合作，又表示若有機會親身來港拍《奇》片，最想玩轉維港靚景，笑言拍續集或可成事。至於泰迪亦表示非常欣賞張曼玉和王家衛。
此外，《奇》片雖然以魔法為主題，但Scott與班尼狄都表示不懂玩魔術，班尼狄受訪時助記者完成小魔術，全程表情多多，交足戲！