陳婉婷嬲金剛嘲iPad胸

無綫小花陳婉婷（Hebe）近日孖住藝人金剛與小儀拍攝新一季《街坊廚神》，節目有金剛與小儀坐鎮，錄影期間自然笑料百出，Hebe踢爆被金剛嘲身材平平，令她相當激氣：「過往喺節目中做金剛助手嘅女藝人都好有身材，但我身材唔算好，所以佢都有笑我！（有冇嬲金剛先？）少少啦！我講笑咋！其實金剛好識照顧人，有時我反應慢對答唔到時佢都會幫我。」Hebe在節目中食盡各區美食，擁有弗爆身形的她呻增磅不少：「每集都食好嘢，搞到我破戒食多咗，我諗拍完起碼會肥十磅！睇嚟之後要忍口同埋努力健身，趕走肥肉。」