許靖韻為唱歌放棄考試

歌手許靖韻（Angela）今年正式大學畢業，即全身投入音樂事業，新碟《大個之後》特意找來13位大學同學參與製作，製成品絕對能代表她與其他大學生、畢業生的心聲！對於香港的「90後」經常被標籤為「怕辛苦」、「頹廢」等，同為「90後」的Angela表示他們為了喜歡的工作，可以去到好盡：「我諗除非去到死，唔係我都會繼續玩音樂。」她坦言經歷過幾個月沒有收入的日子，更試過情願放棄上堂及考試，亦不肯錯過任何工作機會：「書可以再讀，機會有時錯過咗就冇，我父母都問過我有冇後悔，佢哋覺得我讀完Finance出嚟可以有穩定收入，但我冇後悔，我依家嘅快樂多過所謂嘅穩定收入！」