葉梓嵐講性經練口才

擁有32D巨胸的模特兒葉梓嵐（Karen）顛覆一般模特兒身形，但細細粒反而吸引大批Fans支持！熱愛水上活動的她曬得一身小麥色肌膚，自言每到夏天都會到泰國享受陽光：「有朋友話我黑到似唔同國籍！」喜歡做Gym的她早前還操出腹肌，但因生日狂食而毀於一旦：「嚟緊要再改善吓腰線，目標係練到馬甲線！」

跑步跳繩最易攰

講到D Cup人間胸器，Karen坦言又愛又恨：「視覺上係吸引，亦帶嚟唔少工作，但着錯衫就好似肥咗咁！做運動又會唔想跑同跳繩，好攰！」今年有份推出寫真集的她指反應比預期佳，現已接近售罄，靠早前玩直播時識到大批網友，在他們支持下大幅提升銷量：「喺書展都有嚟撐我！我覺得好幸運，好多人喺網上世界識唔到真朋友，但我哋會約出嚟聚會。（當中有人追你？）冇喎！可能以為我比較難追啩！」

放大圖片	葉梓嵐擁有32D魔鬼身材，但埋怨有繩都唔敢跳！	雖然身形細細粒，但葉梓嵐做Model反而大受歡迎！

冇膽「考察」多P派對

除了Model工作，Karen亦主持網上節目大膽談性，不怕被誤會是隨便：「我做主持係想訓練口才，咩話題都會遇到，唔一定要講到好露骨，可以用其他字代替。」她直言因工作而了解更多社會現象及性知識，例如曾訪問多P派對的參加者，問到會否想「實地考察」？她笑說：「咁又唔好！但係想知多啲，因為就算你有朋友參加過都唔會講啦！」

Profile

Karen（24歲）

身高：1米53

三圍：32D、23、32

簡歷：有「爆乳JJ」之稱，曾是組合JS6及FFx成員，其後作個人發展主力模特兒及主持工作。

文：立影　

攝：吳文聰　

妝髮：Ying、Karen@Lugarcia Makeup Academy