黎燕珊拒做長氣媽媽

前亞姐黎燕珊昨日到大窩口出席親子活動,笑言與仔女關係猶如朋友,不時互攬:「個囡成日要我攬吓當減壓,我仲當佢哋細路仔,佢哋都乖,仲畀我攬。(佢哋黐身?)係我咋!我好多嘢問,其實我覺得做媽咪唔好問太多,怕自己太煩。」

她續透露最近忙為舞台劇《我和春天有個約會》排練,明年一月在上海演出,與萬綺雯(蚊蚊)、楊怡及黃德斌合作:「身邊姊妹都好羨慕我同男神德斌合作,個個話嚟探班,我話唔好騷擾我,係就到時買飛入場睇!(排練有壓力?)冇,我同蚊蚊廿年冇合作,但一埋位就上晒身。」