李克勤介意冇份封「四大天王」

剛轉投英皇的李克勤日前接受梁泰來主持的電台節目訪問,提到當年「四大天王」稱號冇佢份:「當年當然介意,一方面介意,一方面冇得介意,但好似打麻雀一樣,冇位就打另一張枱囉!」又指當時「四大天王」以外的所有歌手也十分難捱,不過隨年紀增長學懂釋懷。

至於當年又有傳寶麗金唱片公司將資源放在黎明身上,令他心灰意冷過檔星光唱片公司,克勤否認與黎明有關,稱只是當時唱片公司太多歌手,而星光又開出落足本多多宣傳的條件,故成功利誘他。談及譚詠麟曾內疚讚克勤是「接班人」,影響了他的事業,克勤表示沒有連累,認為獲偶像表揚是開心事。克勤感激低谷時期獲無綫安排機會,與呂方齊齊主持《勁歌金曲》。