朱潔儀冇屈陳法蓉食煙

前港姐朱潔儀（Donna）、太子珠寶鐘錶主席鄧鉅明及太太鄧宣宏雁、鄺美雲（Cally）、關之琳及趙式明等，昨日出席慈善籌款晚宴。Donna雖與趙式明恰巧撞衫，但卻表示零尷尬：「靚嘢梗係多人着。」提到早前爆出的選美黑幕風波，有報道指她爆陳法蓉（Monica）選美時食煙並嫁禍到其他佳麗身上一事，Monica事後寸爆反擊，甚有火藥味，對此Donna澄清：「我唔係話佢，冇指名道姓。我係講番我選美經歷過嘅事實，唔係無中生有，冇人比我更清楚。（打畀Monica解釋？）唔需要，同埋佢都唔食煙，如果作嘢不如畫多張畫好過。」