鍾麗緹試婚宴晚裝囡囡貪玩捐裙底

將第三度出嫁的45歲鍾麗緹與年輕12歲的內地男友張倫碩，將於11月8日在北京舉行婚禮。離大婚尚有一個月時間，Christy忙於打點一切，更大呻心情緊張。日前Christy更帶同兩位千金返港辦嫁妝，更到好友兼著名設計師何國鉦的婚紗店試衫。做花女的兩位囡囡見到靚衫都十分雀躍，更貪玩到匿入媽咪裙底伸頭伸腳，十分搞笑。

山東補擺酒

Christy透露心情緊張，因為很多傳統習俗都不懂，故要請教朋友，她說：「之前未着過龍鳳裙褂，今次係第一次。返嚟香港買利是封、紅色睡衣、中式繡花鞋等，呢啲香港都比較齊全。」據知婚禮原請三百賓客，但現有四百人，故Christy要重新安排座位。雖然正苦惱酒席安排，但Christy仍非常期待，而且大女更會由加拿大飛返北京出席婚禮。完成婚禮後，二人將於12月12日回男方家鄉山東擺酒。

放大圖片	為配合水世界的主題，何國鉦為Christy設計了不少海底生物的配飾及晚禮服。	放大圖片

水世界為題

何國鉦透露為Christy準備了五至六套婚紗及晚裝，更找了北京的婚禮統籌幫忙籌備，他負責設計表演服，當作賀禮送給Christy：「佢兩個月前返港同我傾，當晚Christy同老公加dancers勁歌熱舞，套衫藍白色配合海底世界主題，性感嘅，上面釘咗好多海底生物，包括海星、海馬、貝殼、好多珍珠、水晶，佢見過套衫決定當日着嚟同賓客影相見傳媒。」

文：名人組