父親安息禮拜江欣燕淚眼送別

藝人江欣燕父親江從光去年10月患上淋巴癌，上月21日離世，享年80歲。家人昨晨於中環聖保羅堂為他舉行安息禮拜，江欣燕堂姐夫梁家輝與太太江嘉年扶靈，江欣燕前夫吳積遜、阮兆祥、關寶慧及張慧儀等到場弔唁，數年前與江希文（Liz）分手的胡漢清未有現身，但禮堂外有寫着「江從光先生 主懷安息 胡漢清資深大律師 敬輓」的花牌。
江從光
江從光

江氏姊妹戴着墨鏡於10時到達，Liz女兒胡永悅手拿朱古力條，由工人姐姐拖着。江欣燕眼濕濕說：「心情調整咗啲，但仲係好難受。爸爸係虔誠教徒，同媽咪喺呢度結婚，爸爸着咗禮服，我哋全部都着靚靚嚟。」問胡漢清會否出席？Liz說：「佢唔會嚟，呢個禮拜佢生日，有慰問我。（官司解決未？）今日唔想講呢啲！」儀式於12時結束，江氏姊妹與媽媽江張妙玲向來賓致謝，吳積遜向江欣燕送上擁抱，並慰問江媽媽。

江氏姊妹和媽媽難忍傷痛，喊到眼紅紅。
  • 江氏姊妹和媽媽難忍傷痛，喊到眼紅紅。
  • 放大圖片
梁家輝與太太江嘉年扶靈。
  • 梁家輝與太太江嘉年扶靈。