胡琳嫌棄自己懶Cute

歌手胡琳昨日在唱片店舉行演唱會藍光碟簽名會，獲朱明銳撐場。她透露一向很少翻睇自己的表演：「對我唔Work，唔係特別鍾意見到銀幕裏面嘅自己。（頂唔順自己啲咩？）我都係成熟女性，有好多小動作，講嘢嗰時就變番細路仔聲，唔係特登嘅，有時都會嫌棄自己，唔好懶Cute咁。」問到可會將碟送給朋友？她透露會送給銳哥及在演唱會出心出力的工作人員。至於可有送給緋聞男友經理人？她說：「冇呀，任何朋友都要實際支持買。」