雷怡暉形象太強學溫柔
九巴後人雷怡暉（Amanda）邀請一班名人包括林作、王嘉恩和名媛趙式芝、楊如芯等昨晚出席電動跑車活動，Amanda熱愛開快車，享受開篷車遊車河之樂。單身的她未有拍拖，但有約會，問到會否怕形象太女強人？她說：「我都怕，新識朋友都覺得我好女強人，但識落就好嘻嘻哈哈，我都想溫柔啲。」
林作抱病出席，問他到底是單身還是與麥明詩轉地下情？他說：「唔回應，感情事唔想多講，我哋一直有聯絡，知道佢去咗泰國工作。（麥媽媽話年輕人離離合合好平常？）麥媽媽講得好啱。（佢本書拎獎？）恭喜佢，未睇晒佢本書，但佢間出版社叫我寫嘢出書。」另外，麥媽媽在另一活動中透露將與女兒到台灣旅行：「佢都要休息吓。（分手唔開心？）我只知佢好忙，寄情事業。」麥明詩與林作被指復合？麥媽媽說：「我泛指年輕人咁講啦，戀愛經歷離離合合，甚至分手做番朋友都好正常。（佢哋係離、合、定朋友？）呢樣嘢等佢自己講。」
