伍麟凱胸肌三Cup跳
伍麟凱在新片與台灣男神彭于晏演警察，為求逼真特別向對方偷師操肌練大隻，令36吋胸肌爆升至39吋！開工期間，他經歷喪母之痛，最後化悲憤為力量完成拍攝。
中泰混血演員伍麟凱（Jonathan）早前與台灣男神彭于晏（Eddie）合作拍電影飾演反毒警察，並提早一個月到泰國接受體能及射擊訓練，Jonathan激讚對方冇架子，兩人還成為好友！眾所周知，Eddie身形Fit爆燈，Jonathan笑言當然趁機偷師：「佢好注意飲食，拍完戲會飲檸檬茶，唔會亂飲其他嘢，怕吸收脂肪。」還透露一起在酒店的健身房健身，Eddie教曉他不少操肌技巧，難怪Jonathan自爆拍完電影後，胸肌狂升3吋至39吋，由「白面書生」變成粗獷型男。提到戲中的槍擊戲份，Jonathan自爆不慎被膠製子彈擦傷眼角，非常驚險：「雖然係膠子彈，但射出嚟都好快同好熱，射中咗眼角後冇流血，但隻眼腫晒。」不過他坦言為拍好戲，不怕以身犯險：「就算要我喺十層樓度跳落嚟，只要有得吊威吔，我都親身上陣！」
開工期間喪母留憾
可惜的是，Jonathan透露母親在他拍攝期間不幸因病離世，未能趕見最後一面而感遺憾：「因為拍攝場地係一早安排，我唔可以失場。」期間，他曾返家鄉三日探望母親，當時她已講不出聲，只能從眼神中知道母親支持自己。問到如何平復心情繼續拍攝？Jonathan說：「冇得揀！有工作人員見我喺角落度喊，都有問我咩事。Eddie知道咗都拍拍我膊頭叫我加油。」
文：名人組