車車遊羅馬試探真理之口

賽馬節目主持車車（張紫櫻）早前到意大利佛羅倫斯出席好友戚黛黛婚禮後，轉飛羅馬歎世界，她謂：「我專程去咗荷里活影星柯德莉夏萍喺西片《羅馬假期》入面嘅著名景點『真理之口』（Bocca della Verita）參觀，以前喺呢度影相唔使錢，後來話要籌錢修葺教堂，每張相收兩蚊歐羅（約17港元）。有朋友建議我用手機連環快拍，咁就可以神不知鬼不覺咁影夠廿張，但問題係有工作人員幫你揸機，呢招唔多work！真理之口有個傳說，啲講大話嘅人伸隻手入去就會被咬甩手指，如果我用咗招『連拍作弊法』，唔知又會點呢？」