姚子羚執兵器做Sexy打女

影后鮑起靜、陳山聰、姚子羚及歐瑞偉等日前為無綫新劇《同盟》開工，飾演情侶的山聰與子羚同聲讚鮑起靜有強勁氣場，令他們深感壓力，山聰透露在劇中有不少打戲：「要打到MMA咁款，好在有運動底。」子羚則說：「我會拎住小兵器打，仲要着到好Sexy。」
姚子羚和陳山聰要打到MMA咁激烈，少啲體力都唔得！
姚子羚和陳山聰要打到MMA咁激烈，少啲體力都唔得！

而首次拍無綫劇的鮑起靜將一人分飾兩角，其中一角更要應付打鬥戲，已年屆67歲的她笑言要向武指學幾招：「就算唔使埋身打，都要學識揸槍，我從來冇拍過動作戲，最近都係喺電影度吊過威吔咋！」談到處女下海拍無綫劇，鮑姐自言當年也是電視出身，故並無不習慣，笑言每日與山聰、陳展鵬等小鮮肉開工，時間過得特別快。

鮑起靜和歐瑞偉有不少對手戲。
  • 鮑起靜和歐瑞偉有不少對手戲。