陳鍵鋒遊泰畀蚊叮高燒不退
藝人陳鍵鋒近年北上發展，但仍不時透過社交網報告近況，前晚他在微博發文自爆早前病足兩星期，更曾入院，情況嚴重。原來他之前到訪泰國時被蚊叮，9月22日返港後出現頭痛、屙嘔、發燒和肌肉痛等徵狀，血壓更一度上升至200！他表示26日完成拍攝工作後，曾到私家醫院求醫，但醫生得知病徵後，懷疑他有機會染上登革熱或寨卡等病，故立即開醫生紙轉介他到公立醫院就診，更一度被送往急症室。
捱病拍劇延醫
記者聯絡陳鍵鋒，他報平安表示情況已有好轉：「好彩依家冇乜事。之前一度頭痛、發燒同肌肉痛，好擔心。因為劇組Book晒地方，我惟有頂硬上拍晒先。」又透露起初做了多次化驗仍無結果，最後才驗出患上病毒性感冒，並非寨卡、日本腦炎或登革熱，他說：「患病時真係好驚，因為食咗好多抗生素都冇好轉。依家情況好番啲改睇中醫，睇咗一星期把聲先開得番。」
採：影視組
文：專案組