吳雨霏趕復出保一姐地位
索爆人妻吳雨霏（Kary）疑因失寵，今年初宣布停工享受做少奶奶，不過，眼見獲公司力捧的李幸倪（Gin Lee）走勢凌厲，Kary急忙復工錄歌，力保「環球一姐」之位！
Kary當人妻後身形愈見Fit爆，昨日她穿上中門大開兼有「透底」效果的火紅長裙現身護膚品牌活動，令人眼前一亮！提到已停工一段日子，是否準備復出？Kary說：「都差唔多啦，呢個月都有幾個活動要出席，嚟緊下一步就會錄音。」
有少少「事業心」
問到是否因Gin Lee獲力捧，為免被公司遺忘，故想盡快復出收復失地？Kary說：「吓……唔會，點會呀！（提早復工？）唔係因為咁，係我自己真係鍾意唱歌，同埋唱歌唔係一個比賽，我從來都冇擔心過，如果要擔心就唔會停一年啦，對我嚟講家庭重要啲。」至於事業心是否不重？Kary即低頭看自己的「事業線」，笑說：「有少少啦！」
生B順其自然
問到提早復工，老公可有詐型？Kary說：「佢有同我講，就算做番嘢都唔好太辛苦，唔好咁Chur，都有一兩句咁同我講。」提到當日稱停工是為了努力「造人」，Kary表示並不心急：「呢方面冇壓力，有又開心冇又開心，都好Enjoy二人世界，可以周圍去旅行，如果生咗BB就冇咗呢啲時間，呢啲係上天嘅禮物，所以都唔急。（不設防？） 順其自然啦。」
文：音樂組