張敬軒遇擘髀女擰歪面

歌手張敬軒昨日以活動大使身份出席港鐵活動，透露平時趕時間都會搭港鐵，又分享一次搭港鐵重口味的經歷：「遇過一個女仔着超短裙坐我對面，佢喺度補妝，唔覺意春光乍洩。（你望晒？）冇！即刻擰歪面，非禮勿視。（佢唔靚所以唔望？）未嚟得切睇。」他期待南區港鐵通車，自爆有意搬到南區住：「依家租嗰度就嚟約滿，有港鐵方便好多，買樓投資跟住港鐵係最好。（但係貴？）寧願捱一捱，但獲利回吐好好。」另外，他昨日推出新EP《Vibes》，坦言揼本用了七位數製作新碟，貪玩的他再以「降兩度」身份為獻聲，翻唱《你救哪一個》，並以Hidden Track收錄在碟內。