妙論「展定戀」單立文：姣婆遇着脂粉客！
無綫盛產劇集之餘更締造不少情侶，除了唐詩詠與洪永城外，還有近日疑因合作撻着的陳展鵬與胡定欣。與胡定欣同屬「胡說八道會」的胡蓓蔚前晚與老公單立文出席活動時妙語連珠談「展定戀」。
自稱胡定欣老竇的單立文笑謂無綫拍劇通告「賤格」：「收30開06，點拍拖！」而胡蓓蔚就指若兩人發展是開心事：「郎才女貌！（幫手撥戀火？）唔使啦，佢哋日日見，好似好多人想佢哋一齊，所以唔係壞事。」一向搞笑的單立文則說：「加上姣婆遇着脂粉客，其實TVB都產生好多真正情侶，都係暗交到明交，再入房乜交，之後又香口膠！TVB裏面都係咁，來來去去都係嗰啲人，塘水滾塘魚，求其搵一個！」而胡蓓蔚雖然稱因胡定欣開工太忙，整個星期未有對方消息，但就覺得她和陳展鵬外形好襯。
