G.E.M.撐新制新城頒獎禮減百獎

新城電台將於12月22日假會展舉行「新城勁爆頒獎禮」,節目執行總監(綜藝)劉婉芬及副節目執行總監(綜藝)程凱欣昨日接受訪問,劉婉芬稱:「獎項由過去嘅160個減到約60個,想重建頒獎禮機制及公信力。」獎項項目「簡化」後,屆時將頒發綜合專業組別評審、不同界別人士評分、DJ、播放率及公眾網上投票選出的「勁爆男、女歌手、組合」金、銀及銅獎,而新增的「最佳男、女歌手、歌曲獎」等4、5個獎項,則由現場8,000觀眾投票選出。

劉婉芬透露環球、英皇等唱片公司均表示支持,至於曾跟新城傳不和的容祖兒可會出席?劉婉芬說:「好似話仲諗緊,英皇話祖兒想放假,如果佢去得,一定嚟埋新城度。(缺席可會冇獎?)咁多人投票,點敢唔畀獎!」曾被封「新城契女」的鄧紫棋(G.E.M.)大讚新制:「歌手一年來嘅努力都想喺頒獎禮上得到認同,可惜工作檔期係控制唔到,如冇到都可以公平角逐獎項,就可以一視同仁,如果我度到期都希望出席到。」