Rosemary大搞冇酒精運動P

向來熱愛運動的名模Rosemary及Lea T.昨日以低胸fit爆身形，出席「apm首個智能科技發明回顧展」。Rosemary透露籌備了一年的大型音樂運動派對將於16號舉行，心情既緊張又興奮：「呢個係一個晨早音樂運動party，外國已經辦咗好多年，香港就第一次。外國朝早6點開始，香港就10點，第一個小時畀大家做運動，瑜伽、跳舞乜都得，之後兩小時係live音樂派對，但冇酒精嘅，主要想人與人多溝通，帶畀大家一個充滿正能量嘅早上。」至於提到好友貝安琪被傳懷孕一事，她表示不知情。