蕭正楠爆翠如逼食蟲抗蛇
藝人蕭正楠（Edwin)、陳凱琳、湯洛雯與姜大偉等前晚到觀塘出席無綫新劇《翻生武林》的煞科飯局。早前拍到過勞而「生蛇」的Edwin，被問及病況時透露已康復，傷口結焦的位置亦已脫落。問到有否獲女友黃翠如煲湯補身？Edwin踢爆被對方逼食「蟲」：「佢有煲靈芝茶，又焗蟲草茶，仲逼我食埋條蟲草！成條蟲咁嘅樣！佢整畀我食，我肯食都係愛嘅表現！」
女友趕劇嘴扁扁
劇接劇的Edwin笑言參演的劇集相繼播出，但唔怕「自己打對台」：「《巨輪II》、《巾幗梟雄之諜血長天》都播出，尋晚亦為《幕後玩家》拍完宣傳片。（自己打自己有壓力？）冇！多啲工作好！」至於湯洛雯笑言今次在炎夏拍古裝劇感覺很爽，皆因不停出汗，促進新陳代謝，令自己變得「食極唔肥」。她又透露為爭Edwin而與陳凱琳對打，難忘為此而首度吊威吔：「我少少畏高，但試咗就覺好玩！我鍾意自己嘅古裝扮相，都有人讚我，開多條戲路。」
另外，黃翠如連日趕拍新劇《我瞞結婚了》，昨日又與洪永城及黃浩然於中環的碼頭旁取景，吸引不少途人圍觀。翠如拍畢後急急腳在工作人員陪同下離開，見記者在場又扁扁嘴，反觀洪永城及黃浩然則笑住揮手打招呼才上車。
文：影視組
