朱智賢被富商睇中 飯局價50萬

無綫女藝人張秀文、陳偉琪、陳婉衡、歐陽巧瑩及朱智賢（Ashley）等近年憑勁爆身材彈出，她們不介意以泳裝上陣拍節目，效果噴血，獲封新一代無綫咪神。有份主持無綫節目《東張西望》的Ashley憑32C、23、35均勻身形及修長美腿，迷倒不少宅男。身為「東張咪神」的她最近連環被性騷擾，不勝其煩。

進一步會報警

Ashley近日不斷收到inbox邀請出席飯局，有「代理」聲稱有「美籍華裔老闆」開價50萬元邀約飯局，另一位則指有位33歲、身家逾20億元人民幣的美籍華人老闆願出價30萬元，看來Ashley非常搶手。

Ashley說：「冇諗過有人對我有興趣，我係唔會信50萬食餐飯咁簡單，當然唔會覆佢。」除了飯局邀約，更有癡漢send性器官相片到她Facebook，更有露骨留言，非常變態。Ashley坦言看「鳥」後大吃一驚：「好變態好惡心，我即刻block咗佢，希望以後唔好再收到呢類訊息。（考慮報警？）如果佢有進一步行動就會。（因為形象太性感？）我覺得唔關事，相信係因為多人識咗。我只係工作需要先健康性感，平時唔會賣弄呢樣嘢。」

貪靚冇啖好食

屢遭性騷擾的Ashley心情未受影響，早前她到日本拍攝J2旅遊節目《3日2夜》，其中一part「直擊」Ashley選購泳衣，她在鏡頭前瘋狂試泳衣晒身材，但她直言壓力很大：「我比之前重咗7、8磅，好怕出鏡會肥，所以嗰幾日旅行都冇啖好食，連續三日食菜咋！」該集播出後引來很大回響，有網友打趣說若全集都是Ashley換泳衣，收視必定更高。

文：影視組