《湄》票房兩日破億 彭于晏：辛苦是值得的
林超賢執導新片《湄公河行動》找來型男彭于晏及影帝張涵予鬥戲，並安排於內地「十．一」黃金檔上映，只消短短兩日，電影已錄得破億人民幣票房，僅落後鄧超及白百何主演的愛情片《從你的全世界路過》約千萬，暫穩守同期上映四套大片的第二位！
獲得如此佳績，《湄》片台前幕後可謂飲得杯落，老闆于冬暫定10月4日香港首映禮前後，先舉行小型慶功宴，而身為男主角的彭于晏亦不忘於社交平台謝票，留言道：「辛苦是值得的。」林超賢亦對口碑佳感開心：「北美同內地同步上映，有朋友話紐約時報同洛杉磯時報都有相關報道，我就覺得最緊要好戲有人欣賞啫。（拍續集？）依家問題係取決於彭于晏角色嘅生死，真係有得諗嘅，都想原班人再合作。」
