李佳芯忽轉口風拒認男友
藝人李佳芯（Ali）與張曦雯等昨日宣傳無綫劇集《律政強人》，兩大男主角方中信與廖啟智未有到場，獨自撐起場面的Ali玩爆波波遊戲時被嚇得花容失色！她受訪時澄清未有與緋聞男友陳炳銓同居，指兩人僅屬「發展中未穩定」的關係，明顯轉口風拒認愛！
無綫劇集《律政強人》昨日於葵芳舉行宣傳活動，兩大男主角方中信與廖啟智繼續無影，由女主角Ali率領張曦雯及黃智雯等撐起場面。Ali與智雯玩拗手瓜，賽前晒「老鼠仔」的Ali不負眾望勝出，而李璧琦與張曦雯拗手瓜時出盡全力，拗到烏低身晒線頭搶鏡。雖然兩大男主角未有到場，不過Ali透露劇組已相約本月7日飯敍，屆時兩人將會出席。
多次被偷拍喊驚
談到被拍得出入緋聞男友、ViuTV節目主持陳炳銓的家，有傳兩人同居，Ali否認並指稱當日凌晨五時落機，因贊助商的衣服在對方家中才前往取回，亦直認多次被偷拍已經嚇怕：「第一次畀人影咗之後都已經怕咗，以前覺得拍拖、拖手好正常，但原來真係有人影，唔習慣，我又多嘢做，係少咗見面。」之前被問及男友事都會大方回答的Ali，昨日忽然拒絕認愛，稱與陳炳銓不是情侶：「需要時間了解，而且要工作，真係冇時間同機會去發展，好無奈。（未去到男友階段？）未到呢種關係，中間畀人影咗有反反覆覆咁，要搵方法去相處，係發展中未穩定嘅關係！」
張曦雯主持「升呢」
另外，密實到場的張曦雯笑言要看場合而性感，首次拍劇的她獲不少好評，她表示起初只希望觀眾不討厭她，獲得稱讚是額外的收穫。問為何對自己沒有信心？她說：「第一次拍劇怕唔入戲，大家睇慣我做主持！」
文：影視組