郭晶晶「壺」不離身拍拖睇戲

一向重視家庭的霍啟剛，日前與老婆郭晶晶罕有地撇下三歲囝囝霍中曦，兩公婆拍拖到中環睇戲享受二人世界！至深夜12時戲院散場時，見拎住私家暖水壺的郭晶晶，翹住老公手臂施施然步出。二人邊行邊傾，甫見記者拍照初時一臉愕然，定過神後，才笑笑口揮手打招呼，之後雙雙搭升降機往停車場取車返歸。