周秀娜大唔透假曱甴嚇同學
女星周秀娜（Chrissie）、王宗堯與鄭欣宜早前分別挑戰迪士尼樂園的鬼屋，Chrissie被鬼屋內的角色扮演者嚇得花容失色，頻頻尖叫！而王宗堯與鄭欣宜則在南瓜裝飾前擺出多個搞怪動作，投入節日氣氛。
Chrissie玩鬼屋嚇得心跳加速，但仍樂在其中，大讚氣氛一流，令她一解工作帶來的壓力！她坦言現時工作忙碌，甚少機會與朋友慶祝萬聖節，又自爆中學年代最愛整蠱同學：「試過買好多假曱甴、假毛毛蟲、假蚯蚓嚇同學，上堂趁佢唔為意，掉喺佢本書上面，嚇到佢成個彈起！」又自爆曾夢想成為巫醫，笑言要將惡人變成青蛙。
