楊怡 羅仲謙預10萬慰勞姊妹團

謙謙前晚拍完電視劇煞科戲後正式收爐享受婚假，他與阿怡今日舉行盛大婚宴，兩人跟足中國傳統習俗，昨日未有見面只靠電話聯絡。由於二人於圈中人緣甚佳，今日婚禮上的兄弟姊妹團絕對星光熠熠，當中包括唐詩詠、張美妮、阿怡姐姐楊卓娜、吳卓羲、馬國明及單立文等共18人。近日張名雅婚禮掀起「利是風波」，但謙謙卻冇有怕，事關自從宣布與阿怡拉埋天窗後，謙謙工作浪接浪銀包脹卜卜，據知他今日準備了約10萬現金「回饋」姊妹團。

有心理準備被玩

昨日謙謙受訪未有明言實際數目，但他開心地稱：「總之係開心嘅開門利是，希望大家都開開心心，enjoy the party。」他坦言進入人生另一階段，明白日後做人老公責任更大，會全力以赴。提到今日玩新郎，他笑謂：「做足心理準備，預咗被玩。」

羅仲謙	楊卓娜透露自製婚禮擺設送給楊怡。	楊怡講電話個樣勁冧，應該同謙謙傾緊啦！

至於阿怡昨午約3時，由謙謙的助手陪同下現身今晚喜宴的酒店會場，相信是親自視察場地布置，及入住套房準備昨晚的上頭儀式。不過她抵埗後只顧講電話，面對記者只簡單拋下一句：「辛苦晒，有咩聽日再講啦。」阿怡日前特意抽空往整靚靚水晶甲，實行做最靚新娘。

放大圖片	楊怡在婚前整水晶指甲扮靚。

楊卓娜：佢好緊張

婚宴公司隨後將今晚的物用品逐一送抵酒店，楊卓娜則於昨午5時許抵達酒店會合家人。手持不少婚禮擺設的她表示：「呢啲係我自己親手整嘅，都準備咗成個月。（阿怡心情點？）佢好開心同緊張。（有冇傳授啲心得畀妹妹？）冇呀，佢哋忙到天光5點幾，冇乜點瞓呀。（聽日接完新娘要返謙謙圍村屋企？）我都唔係好清楚，遲啲先有rundown。」她又透露姊妹團將陸續抵達酒店，陪伴阿怡過婚前最後一夜，並商討今早接新娘的遊戲細節。

文：影視組　

攝：追蹤組