4女組Dear John 連詩雅：試吓水溫
四位華納歌手衛蘭、衛詩、連詩雅（Shiga）及曾若華（Jude）組成的樂隊Dear John前晚舉行處女迷你音樂會，吸引近百人捧場，由於樂隊僅得兩首歌曲，Shiga說：「試吓水溫先，我哋好認真，近排不停宣傳，但我哋各自會做自己工作。（會否以樂隊名義角逐年底頒獎禮？）交畀公司決定。（兩個身份去呃獎？）每個藝人都有兩個機會，組合後又可以做歌手。」
由於四女的中文水平不高，Shiga笑說：「我哋走埋一齊有共同點，大家都唔係好識中文，其實可以加埋同公司嘅官恩娜。」四女承認每次錄音做足準備，在家先拼好音才入錄音室，私下還傾很多少女心事！