龐卓欣為箍男友患厭食症

前港姐亞軍龐卓欣（Ada）於YouTube開channel成為YouTuber，早前上載一段關於網上欺凌話題的短片，獲網民大讚坦率敢言，稱她為「網絡教主」。近日Ada又上載新作，自爆中一時初戀男友一腳踏兩船，背她偷嗒一名有「蛇腰」的女子，為了令男友回心轉意而減肥，最後演變成厭食症，她說：「嗰時真係減到好瘦，自己覺得好靚好瘦，不過依家睇返啲相，面色蒼白，得個瘦字！」又試過在商場想食麵包覺得被人鄙視，最後躲在廁所格內食。Ada最後在片中語重深長勸大家愛惜自己，望短片可警醒網民。