同麥明詩拍完戲即「失戀」何浩文呻冇女嘆孤寂

藝人何浩文（Dominic）、顏子菲及黃佩霞等前晚出席電影《斯諾登風暴》洩密特別場，何浩文透露新片《失戀日》已煞科，終可專心搞音樂及開食店事宜，電影已拍完是否代表與麥明詩緋聞亦結束？Dominic一臉無辜地說：「唔知呀！又唔係我搞出嚟，大家覺得有娛樂性就放我哋一齊。（唔係追佢咩？）唔係，但我真係想拍拖，呢個唔係追唔追嘅問題。（冇feel？）戲入面有，咁好多人都係要嘗試溝通先知有冇得發展，咁麥明詩係一個非常好嘅選擇，拍完戲間唔中我都有send message同佢傾偈。（傳佢同林作復合？）冇聽過，片場聽人講佢哋係分開咗！」