曲赤狂鬧：應受法律制裁
歌手曲赤和周永恒（Roy）及其前女友黃芊詠（Cherie）分屬好友，前晚Cherie在facebook爆Roy曾郁手打她時，曲赤即與Cherie同一陣線狂鬧Roy：「面就人哋畀，假（架）就自己丟嘅佢」，又指「打人是犯法的」及「應該接受法律制裁」。曲赤昨日接受電話訪問，指知道兩人之間很多內情，他答應了Cherie不便公開，但仍忍不住說：「我覺得阿Roy應該要好好反省同改囉，之前Roy作咗首歌話要改變，但佢完全冇改變囉。」
不過，另一邊廂的Roy指曲赤因之前的工作問題懷恨在心，才借題發揮，Roy說：「我間公司想搵10名藝人做嘢，開咗個群組大家傾，曲赤好囂張咁問點解個group有17個人喺度，我答大家傾吓睇吓邊個啱做，佢態度成個巨星咁，我咪踢佢出group囉。」曲赤對此辯稱：「係有呢個傾job嘅事，但我唔覺得我態度囂張喎，（係咪因之前嘅事，所以插Roy？）唔關事，只係我睇唔過眼Roy所為啫。」