「媒人」陳山聰幫手撥火

被指是胡定欣與陳展鵬的「媒人」的陳山聰,昨日出席新劇《同盟》開鏡拜神時被問及此事,他笑稱要向二人攞媒人利是:「好好笑,佢兩個傳緋聞係因為《城寨英雄》效應,如果真係拍拖,會恭喜佢兩個!(合襯?)郎才女貌啦!我都要幫手撥火,因為展鵬單身好耐,需要滋潤!(睇好佢哋?)感情就佢哋先知,但佢哋好襯,唔怪得我約展鵬做運動佢唔嚟啦,原來佢約定欣!」

首次拍無綫劇的鮑起靜,活動上得悉展鵬拍拖,即笑問:「係咪宣傳嚟o架?但佢哋係俊男美女,自然會有幻想空間啦,佢哋都幾襯!」