許晉亨負傷睇騷隊啤揈拐杖
名人許晉亨、「宇宙最強」甄子丹與太太汪詩詩、葉童夫婦、梁家輝太太及一對孖女、杜德偉及雷頌德夫婦等，前晚現身亞博欣賞美國70年代殿堂級樂隊Earth，Wind & Fire（EWF）的首個港騷。當中以負腳傷捧場的許晉亨最為搶鏡，撐住拐杖的他撇下太太李嘉欣，與幾名友人同行睇騷。心情大好的他，除於演唱會期間與友人自拍外，更邊飲啤酒、邊企起身跳舞。心情high爆的他，演唱會過程中更高舉拐杖，隨着音樂擺動！
子丹撇仔女二人世界
而剛從泰國返港的子丹，透露將留港拍戲數天，故趁空檔撇下仔女與太太拍拖。問到是否有了仔女後少了二人世界？他笑言：「之前喺外國取景，佢哋（子女）都有一齊嚟。今次（去泰國）就冇，但之前去英國同法國都有。有時去啲山旯旮地方好辛苦，我曬到頭皮都甩。」
EWF等足45年見港迷
演唱會上，EWF主音Philip表示很高興等了45年終於來港舉行演唱會，還問歌迷再來港開騷好不好？屆時會否帶朋友一同看騷？令歌迷嗌破喉嚨。而昨日許晉亨獨自現身沙田馬場，問到其腳傷情況如何？他只說：「有心，有心！」而其名駒於第四場出賽，可惜未有跑出。
文：名人組