吳鎮宇認Sammi走音知音
鄭秀文（Sammi）前晚第七場紅館演唱會請得曾合作拍戲的吳鎮宇做嘉賓，她爆料指鎮宇為首次踏足紅館獻唱3分鐘而上6堂唱歌堂，又指他表面鎮定，其實緊張到手心冒汗：「（佢）隻手濕過條啱啱洗濕嘅底褲。」
Sammi因帶病開騷，無論唱歌及說話都曾頻頻走音，當她說為走音痛哭時，鎮宇不怕「崩口人忌崩口碗」笑說：「唔緊要，今日我嚟走音比你更厲害。」Sammi笑問是否明白邀請他做嘉賓的因由？鎮宇拉埋之前的個唱嘉賓黃子華落水：「佢最好笑就係佢自彈自唱部分。」到Sammi回後台換衫，鎮宇向觀眾笑說：「唔使驚，Sammi唔回水，我走音，我回水！」音樂響起《歲月如歌》前奏，全場瘋狂尖叫。前晚捧場的圈中人有許志安、梁漢文、黃偉文及廖碧兒等。Sammi透露綵排時有男Dancer向女Dancer求婚，令她感動得喊到變豬頭。完騷後，她拍片上載Facebook感謝鎮宇，還飲媽咪愛心靚湯。