王君馨愈傷愈旺開舖做老闆
藝員王君馨、李亞男、徐天佑等前晚現身將軍澳電視城，為遊戲節目《我愛香港》任嘉賓。王君馨日前因拍攝新劇《心理追兇》而右腳腳踭受傷，前晚見她雖然行路一拐一拐，但依然「硬淨」出席錄影玩遊戲，她說：「拍攝一個跳水馬嘅鏡頭，落地整親腳踭腫晒，已經照咗X光冇傷到筋骨。」經營自家首飾品牌的她，更透露最近獲馬來西亞一間首飾公司睇中，將簽約在當地開店，預計半年會在馬來西亞開五間店舖。
李亞男 約埋姊妹探嘉欣
而君馨好姊妹李亞男前晚亦有同場錄影，老公王祖藍在內地甚受歡迎，連主持曾志偉亦不禁問亞男：「你屋企係咪好多人民幣？祖藍每次返嚟係咪都抬住啲人民幣返屋企？」提到祖藍望過兩年二人世界才生BB，亞男表示：「想搬出去先，今年會搬，希望過兩年二人世界先生仔，最後一年父母會嚟香港照顧我調理身體，佢哋都好緊張，順其自然啦。」問到另一位好姊妹鍾嘉欣近況？亞男說：「我哋成班姊妹想約埋去探佢，佢都係呢排先得閒啲聯絡，佢好叻湊BB自己搞掂晒，唔係咁容易，我都趁機向佢學習。」
徐天佑 望明年開紅館騷
此外，自言相當擅長玩遊戲的徐天佑，表示贏過不少獎品：「我哋嗰組已經諗好晒邊個玩咩遊戲，我就叻玩要用腦、要諗嘅遊戲。」天佑續透露自小在紅磡長大，小時候隨爸爸由紅磡行到尖沙咀，常路經紅館，到入行後在紅館開騷實在百感交集，他透露Shine計劃明年再踏紅館開騷。
文：影視組